வன்னியகுல க்ஷத்திரிய மாணவர் பரிசளிப்பு மற்றும் சாதனையாளர் விருது வழங்கும் விழா 2026

ஜம்பு மஹரிஷி மிகவும் பிற்படுத்தப்பட்டோர் நலச்சங்கம் மற்றும் நல் வழிகாட்டும் ஒளி விளக்கு மாத இதழ் சார்பில் 2025-2026ஆம் கல்வி ஆண்டில் நடைபெற்ற பொது தேர்வு மற்றும் பல்கலைகழகத் தேர்வில் அதிக மதிப்பெண்கள் பெற்ற நமது சமூகத்தை சேர்ந்த மாணவர்கள் மற்றும் சாதனை படைத்த சொந்தங்களுக்கு வருகின்ற 2026 ஆம் ஆண்டு, அக்டோபர் மாதம் 4-ம் தேதி, (ஞாயிற்றுக்கிழமை) காலை 09.00 மணி அளவில் சென்னை-77, வேலப்பன்சாவடி, எண்.127, பூந்தமல்லி நெடுஞ்சாலை, S.R.S. திருமண மண்டபத்தில் (திருவேற்காடு ஆர்ச் எதிரில்), பரிசளிப்பு மற்றும் சாதனையாளர் விருது வழங்கும் விழா நடைபெற உள்ளதால் அனைவரும் கலந்துக் கொண்டு சிறப்பிக்க வேண்டுகிறோம்.

பரிசு மற்றும் பாராட்டு பெற தகுதியுள்ளவர்கள்:
1) 10ம் வகுப்பு தேர்வில் 450/500 மதிப்பெண் அதற்கு மேல் பெற்றவர்கள். 2) 12ம் வகுப்பு தேர்வில் 540/600 மதிப்பெண் அதற்கு மேல் பெற்றவர்கள்.
3) மத்திய மற்றும் மாநில அரசு பல்கலைக்கழக தேர்வில் பதக்கம் பெற்றவர்கள்.
4) NEET – National Eligibility cum Entrance Test தேர்வில் வெற்றி பெற்று 2026-27ம் கல்வியாண்டில் அரசு மருத்துவக் கல்லூரியில் MBBS படிப்பில் சேர்ந்தவர்கள்.
5) JEE – Joint Entrance Examination, தேர்வில் அதிக மதிப்பெண் பெற்று IIT (Indian Institute of Technology) NIT (National Institute of Technology) 2026-27ம் கல்வியாண்டில் சேர்ந்தவர்கள்.
6) CLAT – Common Law Admission Test, தேர்வில் அதிக மதிப்பெண் பெற்று தேசிய சட்டப்பள்ளிகளில் (National Law Schools) 2026-27ம் கல்வியாண்டில் சேர்ந்தவர்கள்.
7) ICAR AIEEA UG – Indian Council of Agriculture Research – All India Entrance Examination Admission, தேர்வில் அதிக மதிப்பெண் பெற்று அகில இந்திய ஒதுக்கீட்டின் கீழ் இளநிலை விவசாய படிப்பில் (B.Sc. Agri) மற்றும் இளநிலை கால்நடை மருத்துவம் (B.V.Sc.) படிப்பில் 2026-27ம் கல்வியாண்டில் சேர்ந்தவர்கள். 8) அகில இந்திய அளவில் நடைபெற்ற முதுநிலை / ஆராய்ச்சி படிப்பிற்கான நுழைவுத் தேர்வுகளான NEET- PG, GATE, GPAT, NET, CAT, ICAR-AIEEA PG அதிக மதிப்பெண் பெற்று மத்திய அரசின் உயர்கல்வி நிறுவனங்களில் சேர்ந்தவர்கள்.
9) 2025-2026ம் ஆண்டுகளில் நடைபெற்ற குரூப்-1 மற்றும் சிவில் சர்வீஸ் (IAS, IPS, IRS, IFS) தேர்வில் வெற்றி பெற்று பணியில் சேர்ந்தவர்கள்.
10) 2025-2026ம் ஆண்டில் அங்கீகரிக்கப்பட்ட பல்கலைக்கழகங்களில் ஆய்வுக்கட்டுரை சமர்ப்பித்து முனைவர் (Ph.D.) பட்டம் பெற்றவர்கள்.
11) 2025-2026ம் ஆண்டு (DM/M.Ch. Super Speciality) பட்டம் பெற்றவர்கள்.
12) 2025-2026ம் ஆண்டு தேசிய/ சர்வதேச அளவில் நடைபெற்ற விளையாட்டுப் போட்டிகளில் கலந்துக் கொண்டு வெற்றி பெற்று பதக்கம் பெற்றவர்கள்.

குறிப்பு:
1) மதிப்பெண் சான்றிதழ், ஜாதிச் சான்றிதழ், முகவரி, கைபேசி எண் மற்றும் மின்னஞ்சல் முகவரியுடன் 15.09.2026க்குள் அனுப்பி வைக்கும்படி கேட்டுக்கொள்கிறோம்.

அனுப்ப வேண்டிய முகவரி:
முனைவர். பெ. முத்துசாமி
தலைவர்
ஜம்பு மஹரிஷி மிகவும் பிற்படுத்தப்பட்டோர் நலச்சங்கம்
எண். 1/1, சடையப்ப முதலி தெரு, ரெட்டிக்குப்பம் ரோடு, சைதாப்பேட்டை, சென்னை – 600015.
மின் அஞ்சல் : jambumbc2022@gmail.com

🙏 நல்ல நோக்கத்திற்கு உங்கள் பங்களிப்பு

நமது சமூகத்தைச் சேர்ந்த மாணவர்களின் கல்வி வளர்ச்சியையும், திறமை மற்றும் சாதனைகளையும் ஊக்குவிக்கும் இந்த நல்ல முயற்சிக்கு தங்களால் இயன்ற நன்கொடையை வழங்கி ஆதரிக்குமாறு அன்புடன் கேட்டுக்கொள்கிறோம்.

“ஒரு சிறிய பங்களிப்பு – ஒரு மாணவரின் பெரிய கனவிற்கு ஆதரவு.”

தங்களின் நன்கொடை மற்றும் ஆதரவு, மாணவர்களின் கல்வி மற்றும் எதிர்கால சாதனைகளுக்கு பெரும் ஊக்கமாக அமையும்.

நன்கொடை வழங்க விரும்பும் நல்ல உள்ளங்கள் விழா ஏற்பாட்டாளர்களை தொடர்பு கொள்ளலாம்.

🙏 வாருங்கள்… விழாவை சிறப்பிப்போம்!
🙏 வாழ்த்துவோம்… சாதனையாளர்களை ஊக்குவிப்போம்!
🙏 ஆதரிப்போம்… மாணவர்களின் எதிர்காலத்தை!

அன்புடன்,
முனைவர் பெ. முத்துசாமி
தொடர்பு கொள்ள வேண்டிய கைபேசி எண்கள்: 9551392545